Doar haar kienene mit reckt: Dat Forum bi us inne Schoole wör vull bis unner’t Dack. Öllern, Groatöllern, Broars un Sisters, Fründe un Kollegen – all wörn se dor. Dat wör en bannig fienen Oabend!
Un dat allet up Plattdüütsch.
„Dor hebbt richtig Talente up de Bühne stoahn“, hebbt de Lö ut‘n Publikum achterher seggt. „Dat Programm wör lustig un pläsernt! Man kunn bannig lachen un bi de Liedkes mitträllern. Suuper!“
Wi glövt, dat alle – „De Plattproaters“, de Theater-AG van de Unnerstufe, de Unnerstufenchor un all de Helfers vör un achter de Bühne – ’n prima Job maakt hebbt.
Dat segg ok use Schoolboss, de Christoph Grunewald, un sien Vize, de Kalle Ossing, un se hebbt us drei Verantwortliche lekkere Fläschkes mitgeben un de Kinner hebbt ne Masse Sötigkäten kregen.
Bi de After-Show-Party wör noch moal richtig wat loss: Proaten bi Heetwösskes un wat Koalet to drinken.
Dat wör en wunnerboaren Obend för de heele Schoolgemeinschaft. `N heller groaten Dank an alle!
Tobias Rohe
Gesine Redenius-Hoppe
Manuel Hagen
